《留低?离队?中场人手过剩下 巴卡约高应何去何从》
编辑时间:2020-05-28 作者:
《原创文章 欢迎转载 请列明出处 谢谢》-请支持蓝狮 Facebook专页-《留低?离队?中场人手过剩下 巴卡约高应何去何从》 按此观看图片 仲记得上季季初打左篇文,讲关于高华锡同巴卡约高哩一出一入既交易(点击传送门《有一种昇华 叫弃巴卡约高换高华锡》),继而喺早前车路士正式向皇马买断前者,相反外借到AC米兰既巴卡约高因为种种原因返回史丹福桥,喺林伯特上任后面对中场人手过剩既情况下,法国人应何去何从?以依加车路士既中场人手配置黎讲,其实自上季开始都经已出现量大于质既情况,人手上绝对充裕,但同时上有好多唔岩用被投闲置散既球员喺度,核心既当然係简迪、佐真奴同高华锡三个,而路夫斯捷克亦喺季中开始上力,相反巴克利就较为平平无奇,而同时真禾特同云真高各自因为能力同伤患就连坐后备席既机会都无,唔计埋其他年轻小将的话,中场人手大大话话都已经有七位咁多,仲要依加加埋巴卡约高既外借回归。而林伯特喺哩个时候上任,对于全队所有球员黎讲绝对係一个契机,是因哩位红裤子出身既传奇出场表示队中每位球员都会获得相等既机会去表现自己,意味着林伯特会喺热身赛时会提供足够上阵时间比佢地上阵,继而考察各人既能力同战术需要,虽然仲未知道哩位新帅会为蓝军打造番一个点样既战术体系,不过按推断简迪、佐真奴、高华锡同路夫斯捷克都会佢较为倚重既球员,如果巴卡约高希望留队,就有必要喺热身赛表现出自我身价。老实说,喺哩一季意甲既外借生涯当中,巴卡约高并无将自身既缺点加以改善,讲紧既就係佢控球果方面,每次拎波后都习惯推脚,而唔係以护波为主,皮球与脚之间距离过远,喺意甲哩个问题可能唔係咁明显,但喺英超好容易因为咁而导致唔少对手都能够成功喺佢背后「打荷包」,加上巴卡约高明显对于英超既节奏以及裁判既执法标準唔熟悉,出脚时机不当经常被吹罚,而喺前季干地执教紧既时候,林伯特都曾经以名宿身份批评过哩位法国中场。如果林伯特真係认为巴卡约高岩用的话,留低佢相信球迷们都无异议,但如果最终都係唔合适的话,就倒不如早啲放佢去意甲或重返法甲吧。文章发表时间 : 08/07/2019 13:50文章最后更新时间 : 08/07/2019 13:50《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: